ترے عشق کی انتہا چاہتا ہوں
مری سادگی دیکھ کیا چاہتا ہوں
Tere Ishq Ki Inteha Chahta Hun
Mere Sadgi Dekh Kya Chahta Hun
ستم ہو کہ ہو وعدۂ بے حجابی
کوئی بات صبر آزما چاہتا ہوں
Sitam Ho Ke Ho Wada Be-Hajabi
Koi Baat Sabr Azma Chahta Hun
یہ جنت مبارک رہے زاہدوں کو
کہ میں آپ کا سامنا چاہتا ہوں
Ye Jannat Mubarak Rahe Zahdun Ko
Ke Ma Ap Ka Samna Chahta Hun
ذرا سا تو دل ہوں مگر شوخ اتنا
وہی لن ترانی سنا چاہتا ہوں
Zara Sa To Dil Hun Magar Shokh Itna
Wohi Lun Tarani Suna Chahta Hun
کوئی دم کا مہماں ہوں اے اہل محفل
چراغ سحر ہوں بجھا چاہتا ہوں
Koi Dam Ka Mehman Hun Ae Ehl-e-Mehfil
Charag Sehar Hun Baja Chahta Hun
بھری بزم میں راز کی بات کہہ دی
بڑا بے ادب ہوں سزا چاہتا ہوں
Bari Bazm Me Raaz Ki Baat Keh Di
Bara Be-Adab Hun Saza Chahta Hun
