یہ نہ تھی ہماری قسمت کہ وصال یار ہوتا
اگر اور جیتے رہتے یہی انتظار ہوتا
Ye Na Thi Hamari Qismat Ke Wisal-e-Yaar Hota
Agar Aur Jeete Rehte Yahi Intezar Hota
ترے وعدے پر جیے ہم تو یہ جان جھوٹ جانا
کہ خوشی سے مر نہ جاتے اگر اعتبار ہوتا
Tere Wade Par Jeye Ham To Ye Jaan Jhoot Jana
Ke Khushi Se Mar Na Jaate Agar Aitbaar Hota
تری نازکی سے جانا کہ بندھا تھا عہد بودا
کبھی تو نہ توڑ سکتا اگر استوار ہوتا
Teri Narazgi Se Jana Ke Bandha Tha Ehd-e-Boda
Kabi Tu Na Tor Sakta Agar Istwar Hota
کوئی میرے دل سے پوچھے ترے تیر نیم کش کو
یہ خلش کہاں سے ہوتی جو جگر کے پار ہوتا
Koi Mere Dil Se Puchte Tere Teer Neem Kash Ko
Ye Halsh Kaha Se Hoti Jo Jigr Ke Paar Hota
یہ کہاں کی دوستی ہے کہ بنے ہیں دوست ناصح
کوئی چارہ ساز ہوتا کوئی غم گسار ہوتا
Ye Kaha Ki Dosti Ha Ke Bane Ha Dost Nasah
Koi Chara-Saz Hota Koi Gam-Gusar Hota
رگ سنگ سے ٹپکتا وہ لہو کہ پھر نہ تھمتا
جسے غم سمجھ رہے ہو یہ اگر شرار ہوتا
Rag Sang Se Tapkta Wo Lahu Ke Phir Na Thamta
Jise Gham Samj Rahe Ho Ye Agar Sharar Hota
غم اگرچہ جاں گسل ہے پہ کہاں بچیں کہ دل ہے
غم عشق گر نہ ہوتا غم روزگار ہوتا
Gham Agarche Ghasl Ha Pe Kaha Bachpan Ke Dil Ha
Gham-Ishq Gar Na Hota Gham-Rozgar Hota
کہوں کس سے میں کہ کیا ہے شب غم بری بلا ہے
مجھے کیا برا تھا مرنا اگر ایک بار ہوتا
Kahu Kis Se Ma Ke Kya Ha Shab Gham Buri Bala Ha
Muje Kya Pata Tha Marna Agar Aik Baar Hota
ہوئے مر کے ہم جو رسوا ہوئے کیوں نہ غرق دریا
نہ کبھی جنازہ اٹھتا نہ کہیں مزار ہوتا
Huwe Mar Ke Ham Jo Ruswa Huwe Kyu Na Gark Darya
Na Kabi Janaza Uthta Na Kahi Mazar Hota
اسے کون دیکھ سکتا کہ یگانہ ہے وہ یکتا
جو دوئی کی بو بھی ہوتی تو کہیں دو چار ہوتا
Ise Kon Dekh Sakta Ke Yagana Ha Wo Yakta
Jo Doyi Ki Bo Bhi Hoti To Kahi Do Char Hota
یہ مسائل تصوف یہ ترا بیان غالبؔ
تجھے ہم ولی سمجھتے جو نہ بادہ خوار ہوتا
Ye Masyl Tasuf Ye Tera Bayan Ghalib
Tujhe Hum Wali Samjte Jo Na Bada-Hawar Hota
